Pagmumuni-muni

Sunday, May 15, 2011

Malakas ang ingay sa loob ng jeep;
Jeep na byahing papalayo sa bahay;
Bahay na tinuring mula pa sa pagkabata;
Pagkabatang apatnapung taon nang nakaraan.

‘Pag kaabot ng bayad, bumaba;
Bumaba sa harapan ng pamantasan.
Pamantansang dalawang taon nang tinuring pangalawang bahay;
Pangalawang bahay ng ikalawang kurso.

Tumuntong sa gusaling halos katabi lang ng gate;
Gate na ilang beses nilalabas-pasok linggu-linggo.
Linggu-linggo na halos walang patid na pagbabasa at pagsusulat;
Pagsusulat ng iniisip, nababasa, nararamdaman, ng isasagot sa eksam.

Parang walang katapusang pagsagot sa maraming tanong;
Tanong ng sarili, ng mga kamag-aral na pawang naghahanap;
Naghahanap ng di mawaring sagot;
Sagot sa mga tanong sa sarili, sa kapwa, sa buhay.